ಸುಮ್ಮನೆ ಘಮ್ಮನೆ

ನನ್ನೆದೆಗೊಳದೇ ಘಮ್ಮನೆ ಅರಳಿದ
ಮಲ್ಲಿಗೆಯಾ ನೀನು
ಉಸಿರನು ಹಿಡಿದು ಸುಮ್ಮನೆ ಸಾಯುವೆ
ಒಮ್ಮೆ ನಗುವೆಯೇನು

ಹೇಳೇ ಹುಡುಗಿ ಎದೆಗಳನುಬ್ಬಿಸಿ
'ನೀನೆ ಕಣೋ ನನಗೆ'
ಆತ್ಮಕೆ ನೀನೇ ಹರೆಯಕೆ ನೀನೇ
ನೀನೇ ಕೊನೆವರೆಗೆ

ಹಾರುತ ಬರುವೆ ಅಣಕಿಸಿ ನಗುವೆ
ವೃಥಾ ಮುನಿಸಬೇಡ
ಎಳೆ ಬಿಸಿಲಿನಲಿ ಹೊಳೆಯುವ ನಾವು
ಬಾರೆನೆನ್ನಬೇಡ

ಹೀಗೇ ಇರುವ ತಣ್ಣಗೆ ಸುಳಿವ
ಗಾಳಿಯೊಳಗೆ ಬೆವೆತು
ಹಲ್ಲನು ಕಿರಿದರೆ ಗಲ್ಲವ ಗಿಲ್ಲು
ಹುಸಿಕೋಪವ ಮರೆತು

ಏನೇ ಬಂದರು ಎಂತದೆ ಆದರು
ಸುಮ್ಮನೇನೆ ಇರುವ
ಇಳಿಸಂಜೆಯಲಿ ಮೈಕೈ ಬೆಸೆದು
ಇರುವುದನ್ನೆ ಮರೆವ.

ರಾಶೇಕ್ರ