ಗಜಲ್ 15

ಸಣ್ಣಗೆ ಬಡಿಯುತ ಲಬ್ ಡಬ್ ಎನ್ನುತ ಮಿಸುಕಾಡುತದೆ ನನ್ನ ಹೃದಯ
ರಕುತವ ತಳ್ಳುತ ಜೀವವನುಳಿಸುತ ಓ ಹಾಯ್ ಎಂದಿದೆ ನನ್ನ ಹೃದಯ

ಹರೆಯದ ಹುಡುಗಿಯ ರಸ್ತೆಲಿ ಕಂಡರೆ ತನ್ನೊಳಗೇನೆ ಸಣ್ಣಗೆ ನಗುತದೆ
ಕಣ್ ಕಣ್ ಹೊಡೆಯುತ ಹೂವನು ಹಿಡಿದು ಕೋರಿಕೆಯಿಟ್ಟಿದೆ ನನ್ನ ಹೃದಯ

ಎಳೆ ಹೃದಯವೆ ನಿನಗ್ಯಾತಕೆ ಪ್ರೀತಿ ಸುಮ್ಮನಿರದೆ ನಿನಗೇಕೀ ಗೊಡವೆ
ಎನ್ನುವ ಪ್ರಶ್ನೆಗೆ ಜೋರಾಗಿ ಬಡಿದು ಘಾಸಿಯ ಮಾಡಿದೆ ನನ್ನ ಹೃದಯ

ಆ ಹೆಣ್ ಹೃದಯಕೆ ನನ್ನದು ಒಪ್ಪಿಗೆ ಒಲವಿಲ್ಲಿಂದಲೇ ಶುರುವಾಯ್ತು
ಬರಿ ಕಣ್ಸನ್ನೆಲೆ ಪ್ರೀತಿಯ ಮಾಡುತ ಚೂರ್ ಚೂರೇ ನಕ್ಕಿದೆ ನನ್ನ ಹೃದಯ

ಈ ಬಿಳಿಹೃದಯಕೆ ಎಚ್ಚರವೆಲ್ಲಿದೆ ಬಣ್ಣವ ಹಚ್ಚಲೇ ಹೇ 'ರಾಜ'
ಏಳುಬಣ್ಣದೆ ಫಳ್ಳನೆ ಹೊಳೆದು ಸಾರ್ಥಕ ಪಡೆಯದೇ ನನ್ನ ಹೃದಯ